Квитна нєдзеля у Сримскей Митровици и Беоґрадзе

автор маф
1.2k Опатрене

СРИМСКА МИТРОВИЦА/БЕОҐРАД – Квитна нєдзеля шветочно преславена и у грекокатолїцких парохийох Вознесеня Господнього у Сримскей Митровици и Св. Кирила и Методия у Беоґрадзе, дзе парох о. Владислав Варґа.

И попри диджовней хвилї, на Службу Божу у Митровици пришло вельке число парохиянох, котри до своїх домох однєсли и пошвецени багнїтки.

Служба Божа на Квитну нєдзелю (на 18 годзин) отримана и у грекокатолїцкей каплїци у Беоґрадзе, дзе були присутни 22 особи, медзи нїма и тройо мали дзеци з родичами. Парох о. Варґа визначел и приход на Службу парохиянки з Добановцох, оддалєних коло 30 км,  цо нє мала жертва за тоту розошату беоґрадску заєднїцу.

И у Митровици и у Беоґрадзе, на Квитну нєдзелю на службох прилог до дзвончка зберани за загрожених у України, цо инициятива папи Францизка за цалу Католїцку Церкву. У Митровици вирни подаровали 18 890 динари, а у Беоґрадзе 19 200 динари.

Беоґрадски парохиянє шлїдуюце богослуженє буду мац на Вельку Соботу, 30. априла, кеди на 18 годзин будзе одслужена Воскресна утриня, и Служба Божа з пошвецаньом паскох.

13-Mitrovica-02

ПОВЯЗАНИ ТЕКСТИ