Файта животинї: Леминґ 

Як мено твойому любимцови? Хто му вибрал мено?

Мойому любимцови мено Мицка. Я єй вибрал тото мено.

Кельо ма роки?

Тераз наполнєла рок, бо сом ю купел прешлого року на Кирбаю.

Як вона випатра? Можеш ю описац?

Мицка барз мала, здабе на мишу, лєбо на герчка. Ма шиву шерсц, а на хрибце чарни смужки.

Цо твой любимец найволї робиц?

Найволї ше вноци обрацац на колєску у своєй клїтки.

Зоз чим ю кармиш?

Кармим ю зоз мишанима заренками.

Як ше зоз ню бавиш?

Винєм ю зоз клїтки, та ю гласкам, пущим ю най дакус побега по хижи, алє нє шме сцекнуц, бо дацо напаратує. Правим єй и лавиринти.

Можеш нам виприповедац даяку шмишну ситуацию зоз ню?

Кед ше раз бавела на колєску, так ше барз заобрацала же ше з ножками заквачела за колєско и так ше обрацала.

Чи би ши препоручел и другим дзецом же би себе набавели такого любимца и прецо?

Препоручуєм и другим дзецом же би себе набавели леминґа, бо то нєзвичайни любимци, мили су и любя дзеци, а нє треба ше вельо коло нїх старац, лєм им треба дац єсц, пиц води, вичисциц клїтку и положиц нову пиловину.

Маш дома ище даяки животинї?

Мам пса Хомера и вельо рибки у двох аквариюмох. Барз любим и инсекти, та мам и сет за їх преучованє.