Файта животинї: Пец биґл

Як мено твойому любимцови? Хто му вибрал мено?

Мойому любимцови мено Реа. Я єй вибрала мено кед сом була мала.

Кельо ма роки?

Реа ма седем роки.

Як вона випатра? Можеш ю описац?

Найбаржей є била, а уха єй бляди кафово. Ма чарни цифри.

Цо твой любимец найволї робиц?

Барз  ше люби гласкац, шейташ ше, спац и єсц.

Зоз чим ю кармиш?

Зоз поживу хтору ми нє поєме и зоз ґранулами. Давам єй и води.

Як ше ти зоз ню бавиш?

Так же ме оганя и скочи на мнє, а вец бега доокола.

Можеш нам виприповедац даяку шмишну ситуацию зоз ню?

Кед себе майстор купел бурек, положел го на стол, а Реа скочела и вжала бурек майстрови, та остал гладни.

Чи би ши препоручела и другим дзецом же би себе набавели такого любимца и прецо?

Препоручела бим и другим дзецом най маю любимца, бо вони найлєпши товарише.

Маш дома ище даяки животинї?

Гей, мам. Вельо рибки и два папаґаї.