Як мено твойому любимцови? Хто му вибрал мено?

Кали, я єй дала таке мено прето же и вона и мено барз красни.

Кельо ма роки:

Ма два роки.

Як вона випатра? Можеш ю описац?

Кали ма таркасту, шарену шерсц, чарну, жовту и на местох кафову. Ма длугоки баюси, оштри нохци и барз пишно ходзи, з подзвигнутим хвистом. Очи ма кафово, а вноци яґод же швица.

Цо твой любимец найволї робиц?

Найволї ше бавиц з лабдочку и розмазовац при мнє, люби кед ю гласкам, а люби и спац на своїм червеним покровчику.

Зоз чим ю кармиш?

Ґранули зоз риби и швижу рибу, а дакеди люби єсц и юшки.

Як ше ти зоз ню бавиш?

Розмазуєм ю, додавам єй лабдочки и вец их вона оганя и сце их влапиц, а дакеди ше у загради вєдно пендраме на древо.

Можеш нам виприповедац даяку шмишну ситуацию зоз ню?

Раз сушедов пшичок шейтал коло нашей капури, през хтору, кед є заварта, нїч нє мож видзиц до двора. И, одразу, Кали скочела на мурик и у исти час нашо пси почали моцно брехац. Сушедов пшичок ше барз злєкол од такого моцного бреханя и сцекол, а Кали цала пишна приказує ше яґод же го вона одплашела.

Чи би ши препоручела и другим дзецом же би себе набавели такого любимца и прецо?

Кажде дзецко треба же би себе набавело мачку, кед ше сце розмазовац и бегац за лабдочку.

Маш дома ище даяки животинї?

Дома, попри маци Кали, маме и два пшички и два аквариюми зоз рибками.