Файта животинї:

Папаґай раси: нимфа.

Як мено твойому любимцови? Хто му вибрал мено?

Мой ше папаґай вола Кики и я єй вибрала мено.

Кельо ма роки:

Ma три роки.

Як вон випатра? Можеш го описац?

Вона ма пирє жовтей фарби и ма власки на верх глави, хтори тиж так жовтей фарби. Ма и пирє шивей фарби.

Цо твой любимец найволї робиц?

Кики ше найвецей люби гомбац на гомбалки.

Зоз чим го кармиш?

Кармим ю зоз слунєчнїком, понеже то вона найбаржей люби єсц.

Як ше ти зоз нїм бавиш?

Ми ше бавиме так же ше Кики попнє на єй гомбалку, а я ю гомбам.

Можеш нам виприповедац даяку шмишну ситуацию зоз нїм?

Кед зме ю купели, думали зме же є мужяк, алє ше каснєйше випоставело же є женка. Тиж так, раз зме ю пущели же би лєцела дакус по хижи и понеже ше нє сцела врациц до клїтки, як зме ю влапали, случайно зме єй одтаргли пирє.

Чи би ши препоручел и другим дзецом же би себе набавели такого любимца и прецо?

Препоручела бим шицким дзецом же би себе набавели папаґая, прето же ше вони барз любя бавиц и шпивац.

Маш дома ище даяки животинї?

Дома маме ище мачки и псох.