Файта животинї:

Пес файти Акита Ину.

Як мено твойому любимцови? Хто му вибрал мено?

Мой любимец ше вола Мона, а мено єй вибрали мама и тато.

Кельо ма роки?

Наш куцов ма седем роки.

Як вона випатра? Можеш ю описац?

Мнє здабе на вовка, лєм єй шерсц иншакей фарби, такей як лїшка. Вше випатра як кед би ше шмеяла.

Цо твой любимец найволї робиц?

Мона люби кед ю гласкам, а барз ше люби и шейтац. Часто ю шейтаме по валалє, а найволїме пойсц на базен и там бегац.

Зоз чим ю кармиш?

Даваме єй ґранули и тото цо нам останє од полудзенку а дакеди ю почасциме з кексами, або палїчками за куцовох.

Як ше ти зоз ню бавиш?

Найволїм ше оганяц зоз ню и руцац єй лабдочку, а вона ми ю принєше назад.

Можеш нам виприповедац даяку шмишну ситуацию зоз ню?

През жиму зме єй заквачели санки, а вона ме виврацела до шнїгу.

Чи биш препоручел и другим дзецом же би себе набавели такого любимца и прецо?

Препоручел бим шицким, прето бо ше вец вше буду мац з ким бавиц.

Маш дома ище даяки животинї?

Мам папаґая Кикия и рибки у аквариюму, а мал сом и коритнявку, алє зме ю пущели назад до беґелю.