РУСКИ КЕРЕСТУР – Вчера почала цалосна реконструкция фонтани у парку у центре Руского Керестура, понеже так дослужела же уж вообще нє може функционовац.
Роботу початком рока виплановал Совит Месней заєднїци (МЗ) при розподзельованю трошеня средствох зоз самодоприносу и як за Рутенпрес виявел предсидатель Совиту МЗ Владимир Олеяр, по оконченей явней набавки вредносц роботох виноши 576 000 динари. Месна заєднїца зоз самодоприносу участвує зоз 336 000, а Општина Кула з 240 000 динари.
На тендеру за окончователя роботох вибране керестурске подприємство „Изґлед”, хторе окончи реконструкцию и заменьованє шицких часцох фонтани, окрем основней конструкциї.