НОВИ САД – У Заводзе за културу войводянских Руснацох вчера отворена вистава двох наших младих академских подобових уметнїкох – малюнкох Лидиї Барновей з Кули, з циклусу „Гармония космосу” и скулптурох и колажного релєфу Ивана Киша з Дюрдьова.
Виставу отворел директор Заводу мр Серґей Тамаш, о роботох Ивана Киша бешедовала його професорка, доцент Лидия Маринков Павлович, а рецензию Нади Теодорович Шарац о роботох Лидиї Барновей на отвераню вистави пречитал Александер Мудри.
Директор Заводу за културу войводянских Руснацох Серґей Тамаш визначел же то источашнє и початок афирмованя наших младих, а фахових уметнїкох у їх обласцох, а Завод одвитуюце место и простор за таки нагоди.
