МИКЛОШЕВЦИ – Здруженє спортских риболовцох „Лєняк” з Миклошевцох вчера було домашнє Пиятому Медзинародному мемориялному купу „Юлин Бучко” у лапаню риби на дугов за сениорох. Змаганє отримане на рибалове Ґрабов при Миклошевцох, а попри домашнїх, участвовали ище дзевец екипи – ”Коляк” з Руского Керестура, з Войводини, „Клена” з Бановичох з Босни и Герцеґовини, та з Горватскей „Дунай” и „Борово Населєнє 91” з Вуковару, „Вирови” з Бошнякох, „Карас” и „Шаран” з Илоку, „Шуль” з Ловасу и „Баєр” з Винковцох.
У екипним пласманє перше место освоєли Винковчанє, друга була екипа з Илоку а треца „Дунай” з Вуковару, док домашнї були на остатнїм месце.
У поєдинечним змаганю у секотре А перше место завжал Франьо Балентович з Винковцох, друге Звонко Маршич з Бошнякох, а треци бул Дамир Уремович з Бановичох.
У секторе Б перше место освоєл Божо Павич з Винковцох, друге Мирко Фекете з Руского Керестура, а треце место Деян Селак з Вуковару. У секторе Ц перше место освоєл Енес Пезерович з Винковцох, друге Дарко Вражич з Илоку, а треце Иван Селак з Вуковару.
По змаганю за учашнїкох порихтани полудзенок, а пред тим найуспишнєйшим поєдинцом и екипом подзелєни медалї и погари, хтори им придал заменїк началнїка Општини Томповци Мирослав Лїкар.
Предсидатель „Лєняку” Борис Бучко подзековал учашнїком же пришли на змаганє и наглашел же отримованє Мемориялу помогли Општина Томповци, Општинска Рада рускей националней меншини, Кафе бар „Далмация” Винковци и поєдинци.