РУСКИ КЕРЕСТУР – У седмим колу пионирскей лиґи Зомбор – Сивер фодбалски клуб „Русин” всоботу, 26. октобра у Руским Керестуре бавел процив екипи ФК „Раднички 1918” зоз Раткова и зазначел прешвечлїву побиду зоз резултатом 11:1.
За екипу Русина на тим стретнуцу бавели: Алексей Виславски, Марко Колошняи, Алекс Цвайґ, Даниел Надь, Теодор Штранґар, Марко Драґутинович, Андрей Чижмар, Марко Илич, Тони Орос, Єлисей Пап, Дарко Еделински, Алекса Сопка и Тони Колошняї.
Ґоли за Русин дали: Андрей Чижмар дал пейц ґоли, Теодор Штранґар дал два ґоли, Марко Драґутинович дал тиж два ґоли, док по єден ґол дали Даниел Надь и Тони Орос.
Идуце першенствене стретнуце пионирскей лиґи Зомбор – Сивер екипа Русина будзе бавиц у Чоноплї процив екипи ФК „Слоґа”.