РУСКИ КЕРЕСТУР – Младши катеґориї Фодбалского клуба „Русин”, внєдзелю 15. фебруара у Спортскей гали у Руским Керестуре одбавели Трианґл турнир, на хторим участвовали три екипи дзе попри домашнього Русина, бавели ище екипи зоз Вербасу и Сивцу.
На тих стретнуцох бавели дзеци хтори ходза до штвартей класи основней школи.
1. ФК „Душан Силни” 2015 – ФК „Полет” 2015 – 1:0.
2. ФК „Полет” 2015 – ФК „Русин” 2015 – 3:3.
3. ФК „Русин” 2015 – ФК „Душан Силни” 2015 – 0:0.
Перше место освоєла екипа Душан Силни зоз Вербасу, друге место завжала екипа Русина, док екипа Полет зоз Сивцу турнир закончела як трецопласована. Дзеци после закончених стретнуцох достали медалї за освоєни места.
Найлєпши бавяч на турниру бул Филип Биєлич зоз побиднїцкей екипи, найлєпши ґолман бул Страхиня Кршич зоз екипи Русина, док найлєпши стрилєц турнира бул Неманя Лукич зоз екипи Полету.
Стретнуца судзел Мирослав Накич.
Екипу Русина водзел Зденко Шомодї.
