ДЮРДЬОВ – Вчера вечар по Саночним, у шветочней парохийней сали грекокатолїцкей церкви отримана промоция Моноґрафиї грекокатолїцкей церкви у Ґосподїнцох о. Михаила Холошняя и музична програма.
Присутних привитала и програму водзела панїматка Наташа Холошняй, котра у уводним слове гварела же идея за тоту кнїжку настала прешлого року, кед означована 85-рочнїца снованя ґосподїнскей парохиї. О моноґрафиї бешедовали єй рецензенти – истичарка, кустос у Музею Войводини Любица Отич з Дюрдьова, о. др Борис Холошняй з Бечу, професор на Одсеку за русинистику др Михаило Фейса з Коцура, як и сам автор, о. Михаил Холошняй.
На промоциї руски народни и забавни шпиванки шпивали членїци Дзивоцкей шпивацкей ґрупи КУД „Тарас Шевченко” з Дюрдьова, а члени Церковного одбору спонзором и тим котри ю наручели пред виданьом, подзелєли кнїжки.
