ВЕРШЕЦ – Дружтво за румунски язик Войводини нєшка у Вершцу означи дзень народзеня найзначнєйшого румунского писателя Михая Еминескуа и Дзень националней култури Румунох.
У сали биоскопу Културного центру Вершец на манифестациї буду додзелєни награди найвизначнєйшим румунским писательом зоз Сербиї, а у рамикох Штерацетей, ювилейней Литературней колониї румунских писательох.
Попри румунских писательох, прекладательох, литературних критичарох и видавательох зоз Сербиї, на програми буду участвовац и писателє, културни роботнїки и уметнїки з Румуниї.
Тоту мултимедиялну културну манифестацию Дружтво за румунски язик Войводини орґанизує у сотруднїцтве з Културним центром Вершец, а з потримовку Скупштини општини Вершец.