СРИМ – Вчера, на швето Богоявлєнє, у церквох у Шидзе, Бачинцох, Бикичу и Беркасове пошвецена богоявлєнска вода, хтору вирни ношели до своїх обисцох.
Парох у Беркасове о. Владимир Еделински Миколка уж пошвецел обисца у тим валалє и з благословом обисцох предлужел у Бикичу.
На Служби Божей на Богоявлєнє у Бачинцох присуствовало векше число вирних як звичайно, а церква була отворена цали дзень, же би парохиянє могли брац воду за свойо обисца.
По Служби и пошвецаня парохийного дому, парох о. Дарко Рац, з предсидательом Церковного одбору вчера пошвецел половку грекокатолїцких обисцох. Пошвецанє будзе закончене нєшка и у Бачинцох буду пошвецени 64 грекокатолїцки обисца.
У Шидзе парох о. Михайло Режак нєшка почал з благословом обисцох и по утвердзеним розпорядку, пошвецанє обисцох у Шидзе будзе тирвац по вовторок идуцого тижня.
