КОЦУР – На стадионє ФК Искра, всоботу, 21. марца у Коцуре отримане друженє фодбалерох-ветеранох Искри и керестурского Русину, на хторим длугорочни приятелє и дакедишнї ривалє на терену Михайло Варґа Пеле з Искри и Елемир Рамач з Русину, з тей нагоди одбавели свойо одпитуюце фодбалске змаганє.
Резултат бул у другим планє, алє обидва екипи победзели, понеже на концу змаганя було 3:3.
После приятельского змаганя друженє предлужене на Пелетовим салашу, з чим означени и 32 роки од першого одбавеного заєднїцкого змаганя Пелета и Рамача, алє и друженя звонка фодбалского терену.
