КИКИНДА – Члени рецитаторскей секциї Културно-уметнїцкого дружтва „Тарас Шевченко” зоз Дюрдьова наградзени зоз вилєтом.
Рецитаторе прешлей соботи нащивели Кикинду. Перше нащивели Народни музей дзе видзели мамута Кику и сталну поставку музею. Вец ше прешпацирали през улїчку Ґенерала Драпшина, хтора преглашена як єдна з найкрасших улїчкох на швеце. Нащивели и музей и ателє „Тера” дзе видзели рижни скулптури з глїни, теракоти. На концу, обишли ище два топоними у Кикинди, Сувачи и Старе озеро.
Вилєт потримал Управни одбор КУД „Тарас Шевченко”.