РУСКИ КЕРЕСТУР – Змаганє у вареню котлїка будзе отримане на соботу, 27. авґуста у Руским Керестуре, котизация виноши 4.000 динари, а екипи мож приявиц по штварток, 25. авґуст.
Место отримованя змаганя на рибарским Лєтнїковцу, а план таки же би ше змагателє позберали од 14 годзин кед буду приявйовац свойо екипи, та ше им такой подзелї и рибу. По прияви почнє змаганє хторе будзе тирвац по 17 годзин, кед змагателє придаю свойо мисочки з рибовим паприґашом на оценьованє, а од 18 годзин заплановане преглашованє побиднїкох, додзельованє погарох и наградох за перши три места.
Орґанизаторе з тей нагоди обезпечели по 3 кили очисценей риби и хлєба, а змагателє у обовязки обезпечиц себе прибор за єдзенє и бутан на хторим буду вариц.
По преглашованю побиднїкох будзе вечера и друженє зоз музику.
Орґанизатор змаганя Здруженє спортских рибарох „Колякˮ, а заинтересовани ше можу приявиц по штварток на число телефона 060/703-7944.
Число екипох огранїчене.