ШИД – Предсидатель Покраїнскей влади АП Войводини Иґор Мирович и покраїнски секретар за польопривреду, лєсарство и водопривреду Вук Радоєвич, як и Неделько Ковачевич, директор Управи за капитални укладаня, вчера були у роботней нащиви општини Шид.
Вєдно зоз Зораном Семеновичом, заменїком предсидателя општини Шид и Александром Йовановичом, директором ЯКП „Водовод“ нащивели водотурню у валалу Люба и явну студню у тим валалє.
Потим нащивели Индустрийну зону при Адашевцох, як и роботи на реконструкциї драги Ямена–Рачиновци у напряме Републики Горватскей дзе би мал буц отворени малогранїчни преход зоз Републику Горватску.
И з тей нагоди констатоване добре сотруднїцтво локалней самоуправи у Шидзе и Покранїнскей влади хтора финансийно помогла числени проєкти з обласци инфраструктури у општини Шид.