НОВИ САД – На Радио програми по руски нєшка, 23. мая, на 13:00 годзин будзе емисия Соботово стретнуца, а ютре, 24. мая, на 12:30 г емисия Културна панорама.
У нєшкайшей емисиї Соботово стретнуца будзе емитована перша часц знїмку округлого стола з нагоди 20-рочнїци од початку роботи новинско-информативней аґенциї Рутенпрес, котра отримана 15. мая 2026. року у Заводзе за културу войводянских Руснацох у Новим Садзе.
Соботово стретнуца ше емитує премиєрно каждей соботи на УКТ габох радия РТВ на 92, 100 и 107,1 мгг, на 13:00 годзин и репризно стреду на 23:00 годзин, мож ю послухац и на одложеним слуханю на сайту РТВ. Емисию пририхтала Саня Дивлякович.
Ютре, на нєдзелю, 24. мая, на 12:30 годзин у найновшей емисиї Културна панорама годно послухац звити зоз подїйох котри отримани прешлого викенду у Коцуре, Новим Орахове и у Новим Садзе.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.
