ВЕРБАС – У старовербаскей Грекокатолїцкей церкви Покрова Пресвятей Богородици вчера, 24. мая у Служби Божей єдна першопричашнїца приступела до Святей Тайни причасци. Пред тим вона ступела и до Святей Тайни споведзи зоз своїма родичами и найблїзшима.
Значна подїя за християнски живот наймладших одбула ше у Велькей Служби Божей на 9 годзин, котру служел парох старовербаски о. Алексий Гудак. Першу причасц достала Катарина Варґа, а за тоту подїю ю пририхтала вироучителька Ксения Бесерминї.
Домашнї парох о. Гудак першопричашнїцу з радосцу привитал и приблїжел єй значносц Першей причасци за єй християнски и духовни живот. За малу першопричашнїцу порихтана була и Грамота же би єй остала як памятка на тот значни дзень.
Парох о. Гудак, вєдно зоз присутнима вирнима, першопричашнїци Катарини одшпивал шпиванку Многая лїта, зоз чим закончена святочносц.
