ШИД – На подручу општини Шид вчера, 11.мая диждж почал падац коло 14:00 годзин и з прервами тирвал по 16:30 годзин. Найвецей добре пришол житу, хторе почина клашиц як и ярцу, алє и шицким ярнїм рошлїном.
Парасти за тераз задовольни и гваря же „майово дижджи” приноша и добри урожаї и наздаваю ше же так и будзе.
Як нєурядово мож дознац у даєдних часцох општини було и дробнєйшого каменцу, а дїйвствовала и процивкаменоцова охрана.
Републични гидрометеоролоґийни завод обявел спозоренє за подруче Сербиї на краткотирваци нєпогоди за 11. и 12. май, як и на моцни витор на вовторок вечар. Наявене же ше очекує интензивни запори за кратки час, моцни витор, а можлїви и каменєц. Обявене и спозоренє на нєпогоди у Сриме, Бачки и Мачви.