ДЮРДЬОВ – Школяре Основней школи „Петро Кузмяк”, оддзелєньох трецей класи, пияток, 22. мая були на вилєту у Дюрдьове дзе их привитали домашнї парняки зоз ОШ „Йован Йованович Змай” и наставнїци Єлена Кухар и Мария Самарджич, а нащивели и знаменїтосци того места и дюрдьовску школу.
З тей нагоди, попри друженя зоз Дюрдьовчанами, госци зоз Керестура нащивели Етно збирку „Руска одлога”, потим памятнїк Яши Бакова и грекокатолїцку церкву.
Дзеци зоз Керестура провадзели учителє Мелания Рамач, Наталия Зазуляк и Еуфемия Планкош, а домашнї им були учительки зоз дюрдьовскей школи, а зоз Одбору за образоване Националного совиту Руснацох була предсидателька Сенка Мученски. Орґанизатор того вилєту Одбор за образованє НСР.
