БАЧ – Женска шпивацка ґрупа Дома култури Руски Керестур достала поволанку наступиц на Манифестациї „Днї Европского културного нашлїдства – Днї Бачу 2024ˮ, котра бидзе отримана од 12-27. септембер.
На тей манифестациї Женска шпивацка ґрупа наступи зоз духовним репертоаром на концерту Духовней музики нєшка, 13. септембра у Франєвацким манастире, на 20 годзин.
Тота манифестация найвекша котра ше отримує у општини Бач од 2003. року у континуитету. Нашлїдство европских вредносцоих ше отримує каждого року у другей половки септембра. И того року пририхтана богата програма на вецей локацийох у городзе, дознали зме од од директорки ТООБ Танї Митрович.
Такой ютре дзень Женска шпивацка ґрупа наступи у Вербаше на Хорским фестивалу „Карпати” зоз авторским репертоаром.