НОВЕ ОРАХОВО – Вчас рано, внєдзелю 12. априла у церкви у Новим Орахове декан бачки о. Владислав Рац, парох коцурски хтори служи Служби Божо и у Новим Орахове служел вельконоцну Службу.
Понеже того дня на 10 годин починала Служба Божа у Коцуре, у Орахове служба була на 7:30 годзин, алє то нє завадзало вирним же би пришли до церкви на тот вельки дзень и принєсли кошарки же би о. Рац пошвецел пасхалне єдзенє. Понеже того дня нє могла буц служба и у Бачкей Тополї, а як то вше же после служби у Орахове, служена служба у Тополї, вирни зоз того места пришли зоз кошарками до Нового Орахова.