ПИНЬВИЦ – На Змаганю у спортским риболову по парох – метод фидер, хторе було на озеру Пиньвиц, змагал ше и Стефан Бранкович зоз Руского Керестура.
Участвовали 12 екипи (24 змагателє), хтори були розподзелєни до трох секторох – А, Б и Ц.
У екипи СБ Баит були Стефан Бранкович и Мартин Блажек, вони ше змагали у Ц сектору и лапели 35.391 килоґрами риби, а то було достаточно же би завжали перше место.
На цалим змаганю налапане 176.271 килоґрами риби, а найвекши прикладнїк бул чежки 12.770 килоґрами.
Стефан и Мартин завжали перше место у сектору, а друге место на цалим Змаганю у спортским риболову у Пиньвиц. Шицки змагателє хтори завжали од першого по треце место достали погари и пригодни дарунки.
Орґанизатор Змаганя у спортским риболову бул Милош Тодорович, спред Мелеґ Баит фирми хтора була и спонзор змаганя.
