ШИД – Вчера, 17. януара, у сали Скупштини општини Шид отримана явна дебата о Локалним антикорупцийним планє хтори пред тим бул на явней розправи 30 днї, а на самей дебати нє було зауваги и предкладаня.
Кажда локална самоуправа ма обовязку по законских предписаньох принєсц Локални антикорупцийни план як миру векшей контроли кед слово о буджету, явних набавкох и других питаньох.
После явней дебати Општинска рада утвердзи предлог спомнутого акта, а конєчне слово даю одборнїки СО Шид.
После гласаня о документу будзе розписани явни конкурс за вибор членох окремного цела хторе после потвердзи СО и хторе ше будзе старац о запровадзованю Локалного антикорупцийного плана.