„Вистата конїца” госцовала у Дюрдьове

автор Л. Вереш
265 Опатрене

ДЮРДЬОВ – Дуодрама Дюри Папгаргая „Вистата конїцаˮ у виводзеню КУД „Др Гавриїл Костельникˮ зоз Кули виведзена соботу, 21. октобра, пред дюрдьовску публику. Режию подписує Янко Лендєр, хтори и бави у представи вєдно зоз Амалию Ковач. То було перше виводзенє представи после павзи.

Патраче на сцени провадзели живот Емила и Емилиї, старшей малженскей пари, хтори свою осаменосц прекрацую у партиї шаху. Гоч представа почала зоз шмихом публики, на концу шицким патрачом станул чутак у гарлє, а даєдним ше аж и слизу могло обачиц у очох.

Ґлумци гварели же тема тей представи наисце барз чежка и же им ю було чежко порихтац. Тиж так надпомли же було чежко войсц до улоги, односно живота главних актерох, прето же вони особнє у правдивим живоце нє жию таки живот. Же би публики нє було допито патриц лєм чежку тематику, ґлумци ше постарали вицагнуц гумористични нїтки хтори розбивали тоти „горки” сцени, хторих у представи мушело буц же би ше на концу потолковало у яким швеце жию Емил и його супруга.

ПОВЯЗАНИ ТЕКСТИ