Штефан Гудак

OLYMPUS DIGITAL CAMERA

ШТЕФАН ГУДАК народзени у Миклошевцох 6. януара 1931. року, а умар у Петроварадину 2015. року. Основну школу закончел у Миклошевцох (1938 – 1944), два класи Ґимназиї и малу матуру у Руским Керестуре (1945 – 1946), учительску школу у Осиєку (1946 – 1950). Робел як учитель у Києве (Босна и Герцеґовина), як директор школи у Трнову и у Петровцох, новинар-редактор у РТВ Нови Сад. Пише поезию, прозу, драми и литературну критику. Твори му прекладани на українски, сербски, словацки, мадярски, румунски и окцитански.

Обявел кнїжки: Гриц Бандурик (коавторство зоз Михайлом Ковачом), 1972; Приповедки, 1976; Шлїдами голуба по нєбе, роман 1978; Вини и зради, приповедки, 1998; Кривице и издаје, (преклад на сербски язик Даница Вуйков) 1996; Драми: У шлєпей улїчки (1971); Михал Кухар (1976); Чловек котри страцел амрел (1978), Скарби и утрати (2007), Кудлїк пудлїк чека ґазду (2010), Зайда за мирни сон (2013). Радио-драми: Чловек котри страцел амрел (1977); Букет ружи за панї Изабелу (1986); Тото ти мнє поведз (1988); Драга до вичносци (1992); Троєщина (1996);

Пририхтал: Антолоґию малей прози Крижни драги, 1990, Позберани твори Осифа Костелника, 1981; Иван Цанкар, Вибрани твори (вибор и преклад), 1978. Заступени є у вецей антолоґийох прози. Вецей роки бул редактор и автор одреднїцох за литературу на руским язику Лексикона писаца Југославије.

Добитнїк є Бронзовей плакети Општини Вуковар за досяги на полю ширеня култури (1967), Златней значки КПЗ Сербиї (1987) и Искрох култури Културно-просвитней заєднїци Войводини (1990).

За свою литературну дїялносц достал 8 конкурсни и други награди, медзи котрима найзначнєйша Награда Дружтва писательох Войводини „Мирослав Стрибер” за 2009. рок за кнїжку приповедкох Скарби и утрати.