ФЕКЕТИЧ – Искрово кадети одбавели пондзелок, 25. мая у Фекетичу дзевяте коло у другей полусезони ПФЛ Суботица за кадетох, процив екипи ФК Ядран и прешвечлїво победзели, а резултат бул 1:8.
ФК Ядран – ФК Искра – 1:8. Ґоли за екипу Искри дали: Дарко Салонтаї (3), Василиє Дукич (3), Лука Дорокхази и Димитриє Коматина.
За екипу Искрових кадетох бавели: Серґей Салонтаї, Далибор Караґача, Бошко Ґакович, Матия Новак, Василиє Дукич, Димитриє Коматина, Дарко Салонтаї, Славиша Салонтаї, Урош Неделькович, Дарко Уйфалуши и Лука Дорокхази (c).
До бависка вошли и Илия Майкич и Серґей Сакач, а на лавочки ище бул Владан Попович.
У шлїдуюцим колу екипа Искри будзе бавиц на соботу, 30. мая, у Коцуре, процив штвартопласованей екипи ФК Сутєска зоз Бачкого Доброго Поля.