РУСКИ КЕРЕСТУР – Зоз керестурскей парохиї св. о. Миколая обявене же од 30. юлия 2026. року по нєдзелю, 2. авґуст будзе орґанизоване паломнїцтво до Словацкей.
Перши дзень – штварток, 30. юлий: одход з Керестура през Мадярску; приход на 17 годзин до Габури, змесценє и вечера.
Други дзень – пияток, 31. юлий: фриштик и одход до Клокочова, дзе паломнїцке место чудотворней клокочовскей икони; Служба Божа, особна молитва и полудзенок. На 15 г. нащива церкви и манастира редемптористох у Михаловцох, особна молитва у манастире. На 19 г. вечера у Габури.
Треци дзень – собота, 1. авґуст: после фриштику нащива паломнїцкого места Букова Гирка и Служба у манастире редемптористох у Стропкове.
Штварти дзень – нєдзеля, 2. авґуст; на 9 годзин Служба Божа у древеней церкви у Габури. На 11 годзин одход до Гуменого, нащива музею. Полудзенок на 12:30 годзин у Гуменим.
Цена цалого путованя 220 евра.