Задруґа „Керестурска паприґа” службено основана

автор зам
1.1k Опатрене

РУСКИ КЕРЕСТУР – После вецейрочних намаганьох, прешлого тижня, 24. авґуста, з Ришеньом з Аґенциї за привредни реґистри, у Руским Керестуре основана Землєдїлска задруґа (ЗЗ) „Керестурска паприґа”.

З укладаньом обовязного сновательного улогу, Задруґу основали пецеро задруґаре (цо и законски минимум) – Душица Орос, Славко Малацко, Ваня Чижмар, Желько Орос и Владимир Варґа. Варґа вибрани за предсидателя Скупштини задруґарох, а за директорку менована Душица Орос, котра и предсидателька Здруженя паприґарох „Капсикум анум”, так же Задруґа и Здруженє планую цесно сотрудзовац.

За тераз шедзиско Задруґи „Керестурска паприґа” у обисцу Оросовей у Партизанскей улїци ч. 19/А.

Задруґа, як правна особа, з продукователями паприґи и другей желєняви планує сотрудзовац на кооперативним принципу, обезпечовац потребни репроматериял за продукованє паприґи и другей желєняви, єй пласман, алє и робиц на осучасньованю и унапредзованю заградкарства у Руским Керестуре.

И попри тим же є ткп. лєм цо основана, ЗЗ „Керестурска паприґа” ше у Керестуре тиж уключела до одкупйованя тогорочного роду паприґи, а одкупне место єй на силосох фирми „НС Аґроинґ” на Новим населєню.

ПОВЯЗАНИ ТЕКСТИ