На нєдзелю манифестация „Пришли нам Русадля“

автор влдї
1.1k Опатрене

БИКИЧ – У Бикичу на нєдзелю, 4. юния, будзе отримана традицийна манифестация з нагоди Сошествия Святого Духа – Русадльох, з назву „Пришли нам Русадля“, хтора и у Календаре репрезентативних манифестацийох Националного совиту Руснацох.

Манифестация почнє зоз Службу Божу на 11 годзин, а будзе предлужена зоз стретнуцом дзепоєдних народних посланїцох у Народней скупштини Сербиї и представителькох ОЕБС-у з представительками Здруженя женох „Бикичанки“, у рамикох инициятиви „Шлїдзце нас“ („Следите нас”).

Опрез Дому култури буду виложени штанди зоз стародавнима єдлами и ручнима роботами вецей здруженьох женох, а у Етно-хижи будзе орґанизована вистава вишиваних заглавчкох.

Централна програма манифестациї „Пришли нам Русадля“ почнє на 16 годзин у Доме култури, а на концерту наступя аматере домашнього КПД „Иван Котляревски“, шпивацки ґрупи КПД „Дюра Киш“ зоз Шиду и госци з Ужгороду, з України, музични триа „Рапсодия“и „Мелодия”.

Манифестация будзе закончена зоз зрубованьом майского древка.

 

ПОВЯЗАНИ ТЕКСТИ