РУСКИ КЕРЕСТУ – У Водици вчера, 25. юния, отримани традицийни Школярски дзень, як паломнїцтво подзекованя школярох за успишнє закончени школски рок. На паломнїцтве були школяре з Коцура и домашнї Керестурци.
Служба Божа була на 11,30 годзин, а служели ю домашнї капелан о. Владимир Медєши и парох коцурски о. Владислав Рац, док домашнї парох о. Михайло Малацко и капелан о. Михайло Шанта споведали. Апостол читал школяр з Коцура Павле Бесерминї.
У духу євангелского читаня трецей нєдзелї по Русадльох наказовал о. Шанта, и наглашел важносц полного довирия до Господа Бога и його волї над каждим вирнїком у його християнским живоце.
Попри других младших и старших школярох, на Служби були и коцурски и керестурски першопричашнїки зоз своїма вироучительками, як и велї родичи.
По Служби волонтере Каритасу за присутних пририхтали музично-танєчни и други креативни роботнї, спортски бависка, як и ошвиженє.