ШИД – У ОШ „Сримски фронт” у Шидзе внєдзелю отримана Општинска смотра дзецинскей фолклорней творчосци на хторей наступели осем ансабли, а на Зонску смотру ше пласовали пейц.
На Зонску смотру, хтора будзе 7. мая у Сримскей Митровици, у младшим возросту ше пласовали и дзеци з КПД „Драґутин Драґен Колєсар” з Бачинцох зоз сербскима танцами „Иґре из Левча”, як и члени Горватского КУД „Шид”.
У старшим возросту ше на Зонску смотру пласовали Сербске КУД „Святи Сава” и Словацке КУД „Єднота” зоз Шиду, як и КУД „Филип Вишнїч” з Вишнїчева.
У конкуренциї старшого возросту участвовали и танєчнїки з КПД „Иван Котляревски” з Бикичу, з „Чобанскима танцами”, у хореоґрафиї Борислава Барну.