БЕОҐРАД – У Палати „Сербия” у Беоґрадзе на пондзелок, 28. новембра, Совит за национални меншини орґанизує представянє першого звиту о запровадзованю Акцийного плану за витворйованє правох националних меншинох у Сербиї.
Представянє звиту Совит за национални меншини орґанизує у сотруднїцтве з Канцеларию за людски и меншински права, а у рамикох Проєкту „Потримовка унапредзованю людских правох и нулта толеранция за дискриминацию”.
Сход почнє на 11 годзин, а наявене же на нїм буду присуствовац и представителє державних орґанох, амбасадох у Сербиї, медзинародних орґанизацийох, орґанизацийох цивилного дружтва и националних совитох националних меншинох.
На представяню звиту буду присуствовац и представителє Националного совиту Руснацох.