28. МАЙ – Нєшка Европски дзень урґентней медицини и Дзень видрох.
1879 – Народзел ше математичар, астроном, климатолоґ, ґеофизичар и будовательни инжинєр Милутин Миланкович (Даль, 28. май 1879 – Беоґрад, 12. децембер 1958), бул популаризатор науки, универзитетски професор и академик.
1961 – Утаргнути Ориєнт-експрес, гайзибан хтори 78 роки ишол на линиї Париз–Истанбул.
1976 – До транспорту пущена гайзибанска драга Беоґрад–Бар, хтора з претаргнуцами будована 24 роки.
1987 – 19-рочни Матияс Руст на спортским авиону Цесна сцигол зоз Гелсинкия до Москви и спущел ше на централну Червену площу, понеже нєзамерковано прешол през совєтски воздушни простор.
1999 – Потим як авияция НАТО-а змоцнєла напади на Союзну Републику Югославию (на 740 полєцованя авионох у 24-ох годзинох) югославянски предсидатель Слободан Милошевич прилапел шицки условия заходних жемох за претаргованє бомбардованя.
2001 – У Каиру отримана перша Дзецинска конференция африцких нацийох.