18. МАЙ – Нєшка Медзинародни дзень музейох.
1872 – Народзел ше филозоф, математичар и писатель Бертранд Расел, (Трелек, Зєдинєне Кральовство, 18. май 1872 – Пенхриндейдрайт, Зєдинєне Кральовство, 2. фебруар 1970) родоначальнїк аналитичней филозофиї, добитнїк Нобеловей награди за литературу 1950. року.
1897 – Народзел ше филмски режисер, сценариста и продуцент Френк Капра (Бизаквино, Сицилия, 18. май 1897 – Ла Кинта, ЗАД, 3. септембер 1991), тройнїсти добитнїк Оскара.
1899 – У Гаґу отримана перша медзинарона конференция за застановйованє обегованя у наоружаню и зоперанє войнох.
1919 – Народзела ше балерина Марґарет Евелин Хукам, позната як Марґот Фонтейн (Райґейт, Зєдинєне Кральовство 18. май 1919 – Панама, 21. фебруар 1991). Кральовски балет (The Royal Ballet) ю преглашел за прима балерину асолута (prima ballerina assoluta), а одлуку потримала британска кралїца Елизабета II.
1920 – Народзел ше римокатолїцки священїк Карол Йозеф Войтила (Вадовице, Польска, 18. май 1920 – Ватикан, 2. април 2005), котри под меном Йоан Павло II постал перши нєиталиянски папа после 455 рокох.
1954 – Ступела на моц европска конвенция о людских правох.
1960 – Основани Факултет технїчних наукох (ФТН) на Универзитету у Новим Садзе.
1998 – Влада ЗАД поднєсла вельку тужбу процив Майкрософт корпорациї, наймоцнєйшей софтверскей компаниї на швеце, пре монопол.
Нєшка Медзинародни дзень музейох.