Майстрове отримую традицию своєй Служби

автор маф
988 Опатрене

РУСКИ КЕРЕСТУР – У Катедралней церкви св. оца Миколая вчера вечар служена Майсторска Служба Божа, чию вецей як виковну традицию и нєшка отримує рускокерестурске Здруженє ремеселнїкох и приватних поднїмательох.

Майсторску Службу хтора ше служи у штред Велького посту за майстрох, привреднїкох и їх фамелиї служели домашнї священїки парох о. Михайло Малацко и капеланє о. Владимир Медєши и о. Михайло Шанта, а швичкаре були двоме члени Здруженя – предсидатель Владимир Емейди и Владимир Малацко.

08.03.2018.-Majstorska Sluzba Boza 015_resize

У казанї парох о. Малацко присутних здогаднул на правдиви животни вредносци хтори вични за розлику од ремеслох хтори ше през час меняю, и же им Бог дал таланти же би жиюци любов, як найважнєйшу чесноту, по нїх зохабели шлїд у своїм живоце..

У часци Служби по пренєшених дарох, тиж традицийно, присутни майстрове и привреднїки котрих було коло трицец, по обходу през олтарску часц церкви зохабяли прилог-дарунок за свой храм.

По Служби Божей священїки служели и Панахиду за шицких покойних членох Здруженя и їх фамелиї.

08.03.2018.-Majstorska Sluzba Boza 011_resize

ПОВЯЗАНИ ТЕКСТИ