ВИБЕРАНКИ: Найвецей гласи лїстини АЛЕКСАНДАР ВУЧИЧ

автор м. афич
1.4k Опатрене

РУСКИ КЕРЕСТУР – Спрам перших нєурядових резултатох у Руским Керестуре на вчерайших виберанкох за  нове зволанє Народней скупштини Републики Сербиї, найвецей гласи достала лїстина АЛЕКСАНДАР ВУЧИЧ – ЗА НАШО ДЗЕЦИ, за хтору у Керестуре гласали вєдно 1228 гласаче, цо 62 одсто.

Друга по числу гласох лїстина ЗЄДИНЄНА ДЕМОКРАТСКА СЕРБИЯ за хтору у Керестуре гласало вєдно 261 виберач, цо 13,17 одсто,  а треца лїстина ИВИЦА ДАЧИЧ хторей довириє дали вєдно 143 особи, односно 7,21 одсто виберачох.

На штвартим месце лїстина СУВЕРЕНИСТИ зоз 72 гласами або 3,63 одсто, пията лїстина МЕТЛА 2020 хтора достала 48 гласи цо 2,42 одсто. Шлїдзи лїстина АЛЕКСАНДАР ШАПИЧ – ПОБИДА ЗА СЕРБИЮ зоз 47 гласами або 2,37 одсто, а лїстини Ґрупа гражданох – 1 од 5 милионох припадло 40 гласи цо 2 одсто.

Лїстина Союз войводянских Мадярох достала 29 гласи, ЗА КРАЛЬОВИНУ СЕРБИЮ 25 гласи, лїстина СЕРҐЕЙ ТРИФУНОВИЧ – РУХ ШЛЄБОДНИХ ГРАЖДАНОХ 21 глас, а по 18 гласи достали Сербска странка Заветници и РУХ ЛЕВИЯТАН – ЖИЄМ ЗА СЕРБИЮ, Др ВОЇСЛАВ ШЕШЕЛЬ достала 14 гласи, а РУСИЙСКА СТРАНКА – СЛОБОДАН НИКОЛИЧ 5 гласиа, а „АЛБАНСКА ДЕМОКРАТСКА АЛТЕРНАТИВА – УЈЕДИЊЕНА ДОЛИНА / ALTERNATIVA DEMOKRATIKE SHQIPTARE – LUGINA E BASHKUAR” 4 гласи.

Лїстина Академик Муамер Зукорлич достала 3 гласи, по 2 гласи достали НАРОДНИ БЛОК, и лїстина Чедомир Йованович – КОАЛИЦИЯ ЗА МИР, док єден глас СДА Санджаку др Сулейман Уґлянин. Без гласох остали лїстини Милан Стаматович и НАЙ МАСКИ СПАДНЮ.

На виберанкох за Републични парламент у Керестуре право гласа вєдно мали 3 874 гласаче, а гласали 53,38 одсто, док нєважаци лїстки було 86.

Як дознаваме на штирох виберацких местох виберанки у Керестуре прешли без иинцидентох и векших нєправилносцох.

ПОВЯЗАНИ ТЕКСТИ