Вельки успих рецитаторох з кулскей општини

автор маф   фото бив
979 Опатрене

СЕЧАНЬ/КУЛА – З кулскей општини ше на Републичну смотру рецитаторох у Валєве пласовали аж шесцеро рецитаторе – по двойо у трох возростох, а на Покраїнскей смотри, хтора од 21. по 23. април отримана у Сечню, з тей општини участвовали 13-еро рецитаторе у своїх возросних катеґорийох.

З кажедей катеґориї на найвисше державне змаганє з Войводини вибрани по 9-еро рецитаторе, а у младшим возросту медзи нїма Биляна Митрич и Александра Ковиянич з Кули, котри преглашени и медзи троїх ровноправно найлєпших рецитаторох у Войводини у тим возросту.

11-Recitatore-02

У катеґориї штреднього возросту на Републичну смотру ше пласовали Исидора Нинков з Кули и Владица Кляїч з Червинки.

У наймоцнєйшей конкуренциї, старшим возросту, на Републичну смотру ше пласовали Мирослав Малацко з Руского Керестура и Катарина Перович з Кули, а Малацко преглешани и за єдного спомедзи штверих найлєпших рецитаторох у Войводини, понеже пре виражени квалитет змагательох, у тим взорсту преглашени штири, а нє три ровноправни перши места.

Попри спомнутих, медзи 18 побиднїками Покраїнскей смотри и добитнїками Златней дипломи у штреднїм, односно 22-оїма у старшим возросту и Тара Божович з Кули и Валентина Новта з Руского Керестура у штреднїм, та Стася Дурутович и Стефан Ковиянич з Кули у старшим возросту.

Шицких спомнутих рецитаторох у Кули, у Културним центру, пририхтал Слободан Ноґавица. Рецитаторку з Червинки пририхтала Весна Чукович, а спомнутих рецитаторох з Керестура Мая Зазуляк и Олена Живкович, у Доме култури.

11-Recitatore-03

ПОВЯЗАНИ ТЕКСТИ