Покраїна потримує информованє и видавательну дїялносц на руским язику

автор зам  фото вев
937 Опатрене

НОВИ САД – Покраїнски секретар за културу, явне информованє и одношеня з вирскима заєднїцами проф. др Мирослав Штаткич на вчерайшим приєму у його секретарияту представительом НВУ „Руске слово” гварел же тот секретарият потримує информованє и видавательну дїялносц на руским язику.

Приєм 23. марца орґанизовани на инициятиву НВУ „Руске слово”, понеже на конкурсу за видавательну дїялносц на язикох националних меншинох спомнутого секретарияту за тот рок предвидзени значно менши средства як скорей, цо приводзи до питаня видавательну дїялносц при националних меншинох у Войводини, а окреме нашей. З конкурсом за 2017. рок за видавательну дїялносц на язикох шицких националних меншинох у Войводини предвидзени вєдно 600 000 динари.

О обезпечованю достаточних средствох за видаванє кнїжкох по руски, покраїнски секретар Мирослав Штаткич бешедовал з директорку НВУ „Руске слово” Мартицу Тамаш и одвичательним редактором Видавательней дїялносци „Руского” Миколом Шантом.

Секретар з тей нагоди гварел же ма порозуменя за тото же Руснаци нє маю финансийну помоц од матичней жеми, як цо то маю други традицийни национални меншини у Войводини, як и же потрима же би „Руске слово” обявело голєм два кнїжки як заєднїцки видавательни проєкт зоз Заводом за културу Войводини.

Тиж так, констатованє и же би Установа „Руске слово”, у терашнїх обставинох, видавательну дїялносц на руским язику мала орґанизовац у сотруднїцтве зоз Заводом за културу войводянских Руснацох и Националним совитом Руснацох, так як то пракса и при других новинско-видавательних установох меншинох.

На розгваркох присуствовали и помоцнїки покраїнского секретара Дьордє Вукмирович и др Милан Мицич, як и началнїца Оддзелєня за правни питаня Секретарияту Миряна Антич.

8-Statkic-02

ПОВЯЗАНИ ТЕКСТИ