Вишла друга часц Словацко-русинского словнїку

автор зам
834 Опатрене

СЛОВАЦКА – Штредком прешлого мешаца у Словацкей обявена друга часц Словацко-русинского словнїку, автора доц. др Юрия Панька, кандидата наукох, пише портал Академиї русинскей култури Словацкей.

Першу часц Словацко-русинского словнїку – од букви А по О истого автора, Русинска оброда Словацкей видала 2012. року на 809 бокох, а друга часц його предлуженє – од букви П по Ж и ма 960 боки. У другей часци Словнїку наведзени и назви шицких русинских местох у Словацкей.

Друга часц Словацко-русинского словнїку вишла у року кед Русини у Словацкей означую 20-рочнїцу кодификованя русинского язика, а у новшей историї Русинох у Словацкей то перши и єдини Словацко-русински словнїк такого карактеру.

Ґу тому, як преноши Академия русинскей култури Словацкей, Институт русинского язика и култури Прешовского универзитету тих дньох обявел и свойо осме виданє зоз сериї високошколских учебнїкох – „Русински язик за цудзинцох”, хтори написали професорки на Институту доц. др Ана Плишкова и др Кветослава Копорова.

ПОВЯЗАНИ ТЕКСТИ