НОВИ САД – Стреду, 7. децембра на поладнє почало ґлобалне предпредаванє уходнїцох за „EXIT Summer of Love 2017” („Еґзит лєто любови 2017”), хтори будзе од 6. по 9. юлий 2017. року на Петроварадинскей твердинї. Як сообщели орґанизаторе, за менєй як два годзини предати аж 17 000 уходнїци по 5 990 динари, цо 65 одсто менєй од полней цени.
Найтуньше прешли найвирнєйши нащивителє Фестивалу – члени клубу „Еґзит трайб”, котри ище у октобру купели карти по 5 590 динари. Тераз мож купиц уходнїци по трецей цени, за 6 490 динари.
Нарок ше наполня 50 роки од „Лєта любови 1967” и револуцийного гипи-руху, хтори ше закладал за мир, шлєбоду бешеди, дружтвену, полну и расну ровноправносц, та „Еґзит 2017” будзе праве з таку тематику.