РУСКИ КЕРЕСТУР – У Катедралним храму св. оца Миколая 16. марца парох керестурски о. Владислав Варґа и капелан о. Владимир Медєши служели Майсторску Службу Божу.
На Служби присуствовали майстрове и поднїмателє, як активни так и пензионере, та члени Здруженя ремеселнїкох и приватних поднїмательох, на чолє зоз членами його Управного одбору и предсидательом Владимиром Емейдийом.
Швичкаре на Служби були Владимир Малацко и Владимир Сопка.
После Служби майстрове ше здогадли и помодлєли за своїх покойних членох зоз панахиду.
