РУСКИ КЕРЕСТУР – Шахисти ШК Русин внєдзелю, 18. септембра, процив екипи з Бачкого Бреґу у Растини бавели седме, остатнє коло у тей сезони у Медзиопштинскей лиґи Зомбор, и страцели з 1:5. Керестурци сезону закончели на предостатнїм, 7. месце.
Побиду за Русин зазаначел Евґениє Медєши, а поражени Мирко Афич, Рафаил Венчельовски, Михайло Венчельовски, Звонимир Медєши и Иван Пап.
Треба наглашиц же то була перша сезона лиґашского змаганя обновеного ШК з Керестура.
По початок новей сезони змаганя у лиґи, на яр идуцого року, члени Клубу предлужа з роботу и пририхтованями, а плановане участвовац на рижних турнирох и робиц з младима шахистами.