Перша причасц у Дюрдьове

автор сас
1.1k Опатрене

ДЮРДЬОВ – Вчера у церкви Рождества Пресвятей Богородици у Дюрдьове Першу причасц прияли осмеро школяре другей класи дюрдьовскей ОШ – Даря Такач, Андрея Раґаї, Тамара Такач, Валентина Раґаї, Серґей Пушкаш, Лука Кашовски, Василий Мудри и Симеон Михальовски.

Першу причасц дзеци прияли на Служби Божей хтору служел ґосподїнски парох о. Михаил Холошняй, Службу шпивал Церковни хор „Розанов”, а у нїм и дюрдьовски парох о. Йоаким Холошняй.

О. Михаил Холошняй у казанї повинчовал першопричашнїком и їх родичом, нахлашуюци же тоту духовну покарму треба примац цо частейше, цали живот.

Першопричашнїкох за тоту подїю пририхтал вироучитель у дюрдьовскей ОШ Данил Задрепко, а по Служби у парохийним доме за першопоричашнїкох орґанизовани шветочни полудзенок, хтори пририхтали їх родичи.

ПОВЯЗАНИ ТЕКСТИ