РУСКИ КЕРЕСТУР – На ютре, 7. мая у Велькей сали Дома култури у Руским Керестуре, будзе реприза дзецинскей представи Авантури єдного робота.
Представу бавя члени дзецинскей драмскей секциї Драмского студия АРТ, а у режиї Мирослава Малацка и Ребеки Планчак.
Представу буду патриц керестурски дзеци хтори ю ище нє патрели, як и школяре зоз других наших местох, зоз: Дюрдьова, Нового Саду, Коцура, Вербасу, Кули, Суботици, Бачкей Тополї, Нового Орахова.
За госцох после представи будзе орґанизоване друженє у керестурскей школи, а орґанизаторе нащиви, Одбор за образованє Нaционалного совиту Руснацох.