БИКИЧ – Вочи 1. мая леґинє и млади хлопи принєсли з лєса високе древо хторе „посадзели” у центру валала и оквицели и так и того року випочитовали традицию хтора ше роками пестує у тим валалє.
Тиж по традициї, „майово древо” ше зрубує на Русадля, а того року то будзе на нєдзелю 31. мая кеди ше у валалє отримує традицийна културна манифестация „Пришли нам Русадля” хтору орґанизиує КПД „Иван Котляревски”.
