ДЮРДЬОВ – Члени Церковного одбору всоботу, 23. априла, закончели пораєнє простору у парохиї и опрез нєй, а того тижня планую попораїц и теметов.
Прешлей стреди закончене поставянє бехатону на дражкох и на площи опрез церкви у парохийним дворе, а роботу окончела фирма „Булидинґ-ас” з Чуроґу, хтора и на шейсц лавочки у парохийним дворе безплатно поставела нови дески.
Акция збераня средствох за нови бехатон поставени на площи опрез церкви тирва по тоту нєдзелю. Дотераз парохиянє подаровали коло 1 300 еври, та хиби ище 700 еври же би бехатон у цалосци бул виплацени.