ЖАБЕЛЬ – На 35. схадзки Скупштини општини Жабель, котра отримана нєшка, 8. новембра, прилапени шицки трицец седем точки дньового шора.
Перша точка дньового шора була Одлука о додзельованю наградох и припознаньох Општини Жабель за 2019. рок односно Митровей грамоти, Митровей награди и Митрового припознаня. И того року тоти три награди приму три особи, односно єдно подриємство, єдно здруженє и єдна особа. На схадзки розришени стари и меновани нови Управни одбор Туристичней орґанизациї општини Жабель, за чию директорку ознова менована Мария Чупич. На схадзки ше розправяло и о Ришеню о утвердзованю преставаня функциї и поставяня правобранителя Општини Жабель.
По законченю схадзки святочно отворена реновирана биоскопска и театрална сала у будинку Општини Жабель у котрей на 18 годзин, на швето Митра и Дзень Општини Жабель, будзе отримана святочна програма и додзельованє Митровей грамоти, награди и припознаня.
